"Təcrübə və Təqaüd Proqramları” MMC-nin elan etdiyi təcrübə proqramları minimum 2 və ya 3 ay, həftə içi 5 gün, gün ərzində 4 saat olmaqla iki növbə üzrə həyata keçiriləcək.

Təcrübəçi ilə bağlanılacaq müqavilənin 4-cü maddəsinin 1-ci bəndinə əsasən “Praktiki biliklərin mənimsənilməsi” üzrə təcrübə proqramlarında iştiraka görə standart proqramlara görə aylıq məbləğ 100 (yüz) AZN, IT helpdesk və IT proqramlaşdırma (frontend & backend) üzrə 135 (yüz əlli) AZN müəyyən olunur.

Ödəniş rəsmi müqavilə əsasında proqrama qoşulmaq istəyən şəxs, yəni təcrübəçi tərəfindən bank hesabımıza köçürülür.

Təcrübə müddətində gənclər əsl iş prosessinin içində olacaq, müvafiq sahə üzrə yüksək dərəcədə ixtisaslı və təcrübəli əməkdaşlarla birlikdə çalışaraq enerji dolu layihələrdə və əməliyyatlarda iştirak edecəklər. Karyera təşəbbüslərini üzə çıxarmaq və uğurlu karyera üçün gənclərə lazım olacaq texniki və fərdi bacarıqları inkişaf etdirmək imkanı qazanacaqlar.

Bundan başqa, mövcud proqram üzrə təcrübəsini uğurla başa vuran təcrübəçiyə Sertifikat təqdim edilir. Ən yaxşı təcrübəçi adına layiq görülən təcrübəçiyə isə təcrübə keçdiyi müəssisənin rəhbəri tərəfindən “Tövsiyə” məktubu da təqdim edilir.

Hazırda bir neçə təcrübəçimiz proqramı müvəffəqiyyətlə başa vuraraq təcrübə keçdiyi müəssisədə işlə də təmin ediliblər.

Qeyd edək ki, nəzəri bilikləriniz olan proqramlara müraciət edə bilərsiniz.

Online qeydiyyatdan keçdikdən sonra müqavilənizi rəsmiləşdirmək üçün şəxsiyyət vəsiqənizlə ofisimizə yaxınlaşın.

Ünvan:
Çinar Plaza, 9-cu mərtəbə

Əlaqə:
+994702145250